АРҒЫН-БЕГЕНДІК ТАРАУЫ
[Жанарыс - Қарақожа - Арғын - Құтан - Мейрам - Сүйіндік]
Нұрфая бәйбіше кенже баласы Сүйіндікті, Қаржасты, Бегендікті, Шегендікті - төртеуін бала қылып, төртеуіне қатын алып беріп, енші беріп, сол төртеуін: «Төртуыл» - деп атаған екен. Бегендік өлген соң, қатынын Сүйіндік алып, Оразкелді Бегендіктен туып қалған бала екен. Сүйіндік алған соң, онан Суғыншы туады. Оразкелді, Суғыншы[ның] ана[сы] бір, ата[сы] басқа. Екеуі бір кісінің баласындай ауыз жаласып тату-тәтті болып өседі. Оразкелдіге қатын алып беріп, енші берген - Сүйіндік.
Суғыншының балаларының аты: Шуманақ, Мәжік, Оразкелдінің балаларының аты -Тәңірберді, Сәрік. Тәңірбердінің үш баласы бар: Ораз, Малқар, Жолым (Жұлым) сопы. Сәріктің балалары - Қожамберді, Тоқтас, Қожакелді. «Қозған» - деген кісі аты жоқ, қозғала берген соң, «Шіркін, қоза берді ғой!» - деп, «Қозған»- қойған екен. Сүйіндік өлген, соң, Оразкелді, Суғыншыны тапқан қатын - Темешке тиіп кетіп, онда да бала тауып, ол бала да өсіп-өніп ел атанады. Жас кезімізде Те